Global Media Lab ընկերությունը International Media Holding-ի հովանավորությամբ կազամակերպում է «Հայաստանում և արտերկրում գործատուին ճիշտ ներկայանալու հմտություններ» խորագրով թրեյնինգ: Վերջինս նվիրված է հայ երիտասարդների շրջանակներում արդի հիմնախնդիր հանդիսացող հայկական և արտերկրյա աշխատաշուկայում պատշաճ  ներկայանալու սխալներին, թերություններին և ոչ գործնական մոտեցմանը:

Թրեյնինգը տեղի կունենա փետրվարի 28-ին Ծաղկաձորի Golden Palace հյուրանոցային համալիրում՝ Հայաստանի ամենամեծ  նորակառույց կոնֆերանս սրահում:

Ես կարող եմ դիմել  թրեյնինգին, եթե.

• Իմ առաջին քայլերն եմ անում դեպի աշխատաշուկա և գործատուին պատշաճ ներկայանալու խորհրդավության կարիք ունեմ.
• Գիտակցում եմ գործատուին գրագետ  դիմելու կարևորությունը իմ հմտություններին և գիտելիքներին համապատասխան աշխատանք գտնելու հարցում՝ ինչպես Հայաստանում, այնպես էլ արտերկրում.
• Երիտասարդ մասնագետ եմ և ցանկանում եմ մուտք գործել արտասահմանյան աշխատաշուկա.
• Ունեմ աշխատանք, որը կատարելագործելու նպատակով ցանկանում եմ մասնակցել արտասահմանյան մասնագիտական ծրագրերի:

Նպատակ և խնդիրներ.

Թրեյնինգի նպատակն է հրավիրված մասնագետների միջոցով մասնակցին փոխանցել այն հիմնական հմտությունները և գիտելիքները, որոնք նա անմիջապես գործի կդնի նոր աշխատանքային հնարավորություններ ձեռք բերելու ակնկալիքով:

Նպատակին հասնելով՝ լուծում ենք  արժանապատիվ աշխատանք գտնելու  արդի խնդիրը:

Թրեյնինգի ժամանակ քննարկվելու են հիմական երկու թեմա. 

• CV - ի գրելու ամենատարածված սխալները և ամենակրեատիվ լուծումները
• Արտասահմանյան նախագծերին և թափուր աշխատատեղերին դիմելու մարտավարություն

Օրակարգ

10:30 – Ժամանում Ծաղկաձոր

11:00 - Պաշտոնական բացում

11:10 - Թրեյնինգ (մաս 1)

12:00 - Թրեյնինգ (մաս 2)

13:00 - Ազատ ժամ

16:00 - Պաշտոնական փակում

16:10 - Վերադաձ Երևան

Նախագծի պայմանները

Դասընթացի անցկացման վայրը՝ Կոտայքի մարզ, Ծաղկաձոր, Տանձաղբյուրի փող., 34/1 շենք

Դասընթացի տևողությունը` 2 ժամ (սկիզբը ժամը 11:00-ին)

Դասընթացի ձևաչափը` ինտերակտիվ

Ամբողջ ծրագրի արժեքը` 3 000 ՀՀ դրամ (ներառյալ ճանապարհածախս)

Մանսնակցելու համար սեղմել այստեղ կամ զանգահարել   

 (010) 22 12 39, (093) 19 73 40