Global Media Lab մարքեթինգային ընկերությունը հերթական անգամ նախաձեռնել էր իր մեծամասշտաբ՝ «Դարձի՛ր ԲՐԵՆԴ աշխատաշուկայում» խորագրով թրեյնինգը
Այն տեղի ունեցավ փետրվարի 28-ին Ծաղկաձորի Golden Palace հյուրանոցային համալիրի՝ տարածաշրջանի ամենամեծ կոնֆերանս սրահում: Թրեյնինգը նվիրված էր հայ երիտասարդների շրջանում արդի հիմնախնդիր հանդիսացող հայկական և արտերկրյա աշխատաշուկայում պատշաճ ներկայանալու սխալներին, թերություններին և ոչ գործնական մոտեցմանը:
Թրեյնինգին մասնակցեց ՀՀ տարբեր բուհերում սովորող ավելի քան 600 ուսանող:
Միջոցառմանը բացման խոսքով հանդես եկավ International Media Holding-ի հիմնադիր նախագահ Արման Վարդանյանը, ով հանդիսանում էր նախագծի գլխավոր հովանավորը : Նա իր խոսքում կարևորեց նման միջոցառումների կազմակերպումը, որոնք երիտասարդների համար ստեղծում են հարթակներ ինքնադրսևորվելու, սովորելու և սեփական ունակություններն ի ցույց դնելու համար:
Հաջորդը ելույթ ունեցավ «Սերունդ համահայկական Երիտասարդական Կենտրոն» ՀԿ-ի նախագահ Տիգրան Շադունցը, ով ներկայացրեց իրենց կազմակերպության գրանցած հաջողությունների գաղտնիքը և պատմեց Global Media Lab-ի հետ համագորածակցության մասին:
Golden Palace հյուրանոցային համալիրի փոխտնօրեն Արշամ Շահբազյանը ողջունելով ներկաներին նշեց, որ միջոցառման մասնակիցներն առաջիներն են, ովքեր հնարավորություն ունեցան՝ ներկա գտնվելու տարածաշրջանում իր տեխնիկական հնարավորություններով և չափերով նման չունեցող այդ շքեղ սրահում:
Թրեյնինգի նպատակն է հրավիրված մասնագետների միջոցով մասնակցին փոխանցել այն հիմնական հմտությունները և գիտելիքները, որոնք նա անմիջապես գործի կդնի նոր աշխատանքային հնարավորություններ ձեռք բերելուց դեպքում:
Միջոցառման ժամանակ քննարկվեց երկու հիմական թեմա.
Նախագծի հեղինակ, Global Media Lab ընկերության հիմնադիր տնօրեն ՝ Սեդա Վարդանյանը իր ելույթում ներկայացրեց աշխատանք գտնելու արդի խնդիրների լուծման, խոսեց CV գրելու ամենատարածված սխալների մասին և առաջարկեց ամենակրեատիվ լուծումները, ինչպես նաև աշխատաշուկայում բրենդ դառնալու համար անհրաժեշտ միջոցները, հնարքները և պահանջները:
Հաջորդիվ ծրագրային ելույթներով հանդես եկան «Մասթեր պլյուս» լեզվի և բիզնեսի միջազգային դպրոցի ղեկավար Լիանա Աչիկյանը և Աշխեն Մանուկյանը: Նրանք ներկայացրին արտերկրում գործատուին ճիշտ ներկայանալու հմտություններ և տեղեկացրին գործող ծրագրերի առանձնահատկությունների մասին,
Միջոցառման ավարտին մասնակիցները հնարավորություն ունեցան՝ այցելելու Ծաղկաձորում գտնվող Կեչառիս վանական համալիր:
Տունդարձի ճանապարհին մասնակիցներն ակտիվորեն քննարկեցին թրեյնինգի ժամանակ ստացած գիտելիքները, փորձը և դրա արդիականությունը՝ ներկայացնելով սեփական պատկերացումներն ու առաջարկները:
IES-ը բացառիկ հնարավորություն է տալիս Քեզ ԱՆՎՃԱՐ ուսումդ շարունակելու, մասնագիտական կուրսերի մասնակցելու և ամառային դպրոցնում սովորելու աշխարհի 26 երկրներից մեկում
«Armenian Business meeting»-ը լուսաբանվեց հայաստանյան առաջատար՝ «Արմենիա», «Շանթ» և «Հ2» հեռուստաընկերությունների պրոֆեսիոնալ մասնագետների կողմից:
Շտապ: Թափուր աշխատատեղեր Global Media Lab ընկերությունում: Վերջնաժամկետ՝ 7.04.2015
Նոր ժամանակաշրջանի CV-ի 17 օրինակ, որոնք անտարբեր չեն թողել ոչ մի գործատուի և HR-մասնագետի
Ucom, Braind և Pepsi ընկերությունների ղեկավարները Marketers Community-ում