Մայիսի 7-ին Երևանի “Մարիոթ” հյուրանոցում տեղի ունեցավ Հայկական Արդի Կրթական Կենտրոնի, “Գլոբալ Մեդիա Լաբ” մարքեթինգային ընկերության և “Մասթեր Պլյուս” լեզվի և բիզեսի միջազգային դպրոցի համատեղ գործունեության ընթացքում կազմակերպված միջազգային կրթական համաժողով: Մասնակիցների և հյուրերի թվաքանակի գերազանցման պատճառով համաժողովը իրականացվեց  երեք փուլով, քանի որ գրանցման հայտ էին ներկայացրել ավելի քան 3500 մասնակիցներ:

Միջոցառման հիմնական նպատակն էր  հայ ուսանողին իրազեկել արտերկրում գործող լավագույն անվճար կրթական ծրագրերի, զեղչային համակարգերի, գնային քաղաքականության և դիմումների լրացման կարգի մասին բակալավր, մագիստրատուրա և ամառային դպրոցներ բնագավառներում:                                                                                                                           

Հյուրերի ցանկում էին մի շարք դեսպաններ, պաշտոնյաններ և արտերկրում մեծ վարկանիշ ունեցող համալսարանների ներկայացուցիչներ (ԱՄՆ, Իտալիա, Լատվիա, Կանադա, Գերմանիա, Դուբլին, Միացյալ Թագավորություն):

Առաջին փուլին բացման խոսքով ելույթ ունեցավ “Գլոբալ Մեդիա Լաբ” մարքեթինգային ընկերության տնօրեն Սեդա Վարդանյանը, ով ողջունեց բոլորին և շնորհակալություն հայտնեց արտասահմանյան համալսարանների ներկայացուցիչներին իրենց լուման այս ծրագրում ունենալու համար: Իր ողջույնի խոսքով բոլորին հաջողություն մաղթեց  նաև “Մասթեր Պլյուս” լեզվի և բիզնեսի միջազգային դպրոցի տնօրեն Լիանա Աչիկյանը:

Այնուհետև ներկայացուցիչները մանրամասնորեն ներկայացրեցին իրենց դպրոցները և համալսարանները և այնտեղ գործող կրթաթոշակները: Ծրագրերի ներկայացման ավարտից հետո մասնակիցները իրենց հուզող հարցերը ուղղեցին ներկայացուցիչներին և ստացան սպառիչ պատասխաններ:

Առաջին և երրորդ փուլերում տեղի ունեցավ վիճակահանություն ներկայացված համալսարանների ներկայացուցիչների կոցմից: Երեք տարբեր տարաներում լցված էին մասնակիցների անհատական կոդերը, որոնք խաղարկության ժամանակ պատահականության սկզբունքով համալսարանների ներկայացուցիչները հանում էին և բարձրաձայնելով հաղթողի անունը խինդ և ուրախություն լցնում դահլիճում:

30 մասնակից հնարավորություն ստացավ  անվճար կամ մասնակի վճարովի հիմունքներով արտերկիր գնալ և աշխարհում բարձր վարկանիշ ունեցող համալսարաններում ուսանել: Միջոցառման ընթացքը լուսաբանում էին Հայաստանի առաջատար ՁԼՄ-ները՝ Panarmenian Photo, Արմենիա հեռուստաընկերությունը, Հ2 հեռուստաընկերությունը, Ար հեռուստաընկերությունը և մի շարք այլ ինտերնետային լրատվական և երիտասարդական  կայքեր: 

Իսկ ամենավերջում բոլոր մասնակիցներին բաժանվեցին կրթական բրենդային փաթեթներ, որոնց միջոցով մասնակիցները ստացան վիզուալ ամբողջական պատկերացումներ ներկայացված ծրագրերի վերաբերյալ: 

Ամբողջական ֆոտոշարքը կարող եք դիտել այստեղ :