Global Media Lab մարքեթինգային ընկերության տնօրեն Սեդա Վարդանյանի հարցերին պատասխանել է հայկական նորաձևության միջավայրի զարգացման գործում մեծ ներդրում ունեցող հայտնի դիզայներ Արամ Նիկոլյանը
«Global Media Lab». - Կարևորելով և բարձ գնահատելով Ձեր փորձը և ավանդը հայկական նորաձևության միջավայրի զարգացման գործում, ինչպես նաև հիմք ընդունելով այն հանգամանքը, որ Դուք, Ձեր գործունեությամբ հանդիսանում եք հայ երիտասարդների համար նորաձևության ոլորտում որպես լավագույն բիզնես անհատի օրինակ և ոգեշնչման աղբյուր, շնորհակալություն ենք հայտնում «Business & HR Forum 2016» նախագծի շրջանակներում համագործակցելու համար: Եվ առաջին հարցը. Ըստ Ձեզ՝ բիզնես էլիտան պահպանու՞մ է իր կորպորատիվ կուլտուրայի տեսանելի մակարդակը տարբեր միջոցառումների ընթացքում:
Արամ Նիկոլյան. Առհասարակ էթիկետի ու հագնվելու էթիկայի առումով մեր հասարակությունը մի քիչ կաղում է: Դա միգուցե ինֆորմացիայի շատ լինելու պատճառով է: Գուցե կան եզակի անհատներ, որոնք պահում են գրագետ էթիկայի բոլոր կանոնները, սակայն քիչ են կամ ուղղակի չեմ հանդիպել:
«Global Media Lab». - Ինչպե՞ս կարելի է ընդգծել անձնակազմի յուրահատուկ իմիջը կորպորատիվ միջոցառումների և ցուցադրությունների ժամանակ, երբ ներկա են ավելի քան 30.000 մարդ, և ինչպես է անհրաժեշտ նրանց ներգրավել իրենց կազմակերպության կողմը:
Արամ Նիկոլյան. Նմանատիպ միջոցառումների՝ էքսպոների ժամանակ, երբ լինում եմ, փորձում եմ ուշադիր լինել: Եթե կազմակերպությունը կայացած է իր ոլորտում, ապա իրեն որպես բրենդ ներկայացնող մարդկանց հետ նախօրոք կոնկրետ մասնագետ պետք է մանրակրկիտ աշխատի, ով հստակ գիտի, թե տվյալ միջոցառման ժամանակ ինչ է անհրաժեշտ կրել և գրագետ ներկայացնել միջոցառմանը:
«Global Media Lab». Ոճային ի՞նչ խնդիրներ ունեն հայ գործարարները
Արամ Նիկոլյան. Գուցե ասածս ոչ բոլորին է վերաբերում, սակայն գործարար մարդկանց մեծամասնությունը հագնվում է առավել թանկ խանութներից և ունի խնդիր՝ դա ցուցադրելու: Այսինքն՝ իրենցից ինչ-որ բան ներկայացնող բրենդ կրելը նաև ինքնահաստատման միջոց է ու ցուցադրական ժեստ: Լուրջ և կարևոր քննարկումների կամ գործարքների ժամանակ գործարարը հագնում է մի շապիկ, որը պարզապես թանկարժեք է և կարող էր հագնել առօրյայում, բայց կրում է դա գործնական հանդիպման ժամանակ: Սա, մեղմ ասած, գրագետ չէ:
«Global Media Lab». Իսկ ճի՞շտ է, որ եթե ուզում ես հասարակության մեջ ճիշտ դիրք գրավել ու մանավանդ քո գործունեությունը բիզնես ոլորտի ներկայացուցիչների հետ է, աշխատավարձիդ մինիմում 25-30%-ը պիտի ծախսես հագուստիդ վրա:
Արամ Նիկոլյան. Կարելի է ճաշակով հագնվել, բայց շատ էժան, և թանկ հագնվել, բայց անճաշակ: Հարցը այն է, որ դու, եթե նման մասնագետ ես, պիտի թարմացնես պահարանդ, որովհետև միգուցե առիթ լինի նույն մարդու հետ մի քանի անգամ հանդիպելու: Միշտ նույն հագուստով չես կարող ներկայանալ: Գրագետ կարելի է հագնվել աշխատավարձի 10%-ով. և կարելի է անգրագետ հագնվել՝ 100%-ը ծախսելով նմանատիպ հագուստի վրա:
«Global Media Lab».Սթիվ Ջոբսը մինչ առաջին միլիոն վաստակելը, միշտ հագել է թանկարժեք կոստյում: Միայն առաջին միլիոնից հետո նա կարողացավ իրեն թույլ տալ հագնել իր սրտի ուզածը: Ի՞նչ չեն կարող կրել ֆորումի մասնակիցները և ֆորումի ժամանակ իրենց կազմակերպությունը ներկայացնող HR-մասնագետները կամ ներկայացուցիչները:
Արամ Նիկոլյան. Դա առանձին ոճային ուղղվածություն է: Միանշանակ չի թույլատրվում խորը բացվածքներ, ծնկից բարձր կիսաշրջազգեստներ, վառ արտահայտված դիմահարդարում, փայլուն աքսեսուարներ՝ ժամացույցի, ճարմանդի, անգամ գրիչի տեսքով: Ավելի մանրամասն գործնական իմիջի կանոնների և արգելքների մասին նոյեմբերի 12-ին Մոսկվա Կինոթատրոնում կայանալիք «Business & HR Forum 2016»-ի ժամանակ:
-----------------------------------------
Ֆորումին միանալ կարող եք և Դուք որպես կազմակերպություն, գրանոցվելով այստեղ.
Եվ որպես մասնակից կարող եք գրանոցվելով այստեղ.
Միջոցառման ֆեյբուքյան իվենթը կարող եք այստեղ:
IES-ը բացառիկ հնարավորություն է տալիս Քեզ ԱՆՎՃԱՐ ուսումդ շարունակելու, մասնագիտական կուրսերի մասնակցելու և ամառային դպրոցնում սովորելու աշխարհի 26 երկրներից մեկում
«Armenian Business meeting»-ը լուսաբանվեց հայաստանյան առաջատար՝ «Արմենիա», «Շանթ» և «Հ2» հեռուստաընկերությունների պրոֆեսիոնալ մասնագետների կողմից:
Շտապ: Թափուր աշխատատեղեր Global Media Lab ընկերությունում: Վերջնաժամկետ՝ 7.04.2015
Նոր ժամանակաշրջանի CV-ի 17 օրինակ, որոնք անտարբեր չեն թողել ոչ մի գործատուի և HR-մասնագետի
Ucom, Braind և Pepsi ընկերությունների ղեկավարները Marketers Community-ում