Global Media Lab ընկերությունը պարբերաբար կազմակերպում է թրեյնինգներ և դասընթացներ՝ նպատակ ունենալով համախմբել ակտիվ երիտասարդությանը, ապահովել կապը տարբեր ոլորտների առաջատար մասնագետների և ոլորտով հետաքրքրվող անձանց  միջև, փոխանցել թե՛ ուսանողներին և թե՛ մասնագետներին նոր գիտելիքներ և փորձ, որոնք կարող են օգնել նրանց հետագա առաջընթացում:

Հերթական թրեյնինգը՝ “Ստացիր բարձր վարձատրվող աշխատանք շնորհիվ անհատական մարքեթինգի” խորագրով, տեղի ունեցավ ապրիլի 16-ին, ժամը 15:00-ին Կոնգրես հյուրանոցում: Թրեյնինգը վարում էր Global Media Lab-ի հիմնադիր տնօրեն, Կառավարման ակադեմիայի դասախոս, տեղական և միջազգային 10-ից ավելի իրենց բնույթվ եզակի նախագծերի հեղինակ  Սեդա Վարդանյանը:

Անհատական մարքեթինգի վերաբերյալ թրեյնինգին մասնակցում էին ավագ դպրոցի աշակերտներ, գրեթե ոլոր  ԲՈՒՀերից ուսանողներ  և տարբեր ոլորտներում արդեն կայացած մասնագետներ: Թրեյնինգը կազմված էր երկու մասից. առաջին հատվածում Սեդա Վարդանյանը ներկայացրեց CV-ի և  Resume-ի տարբերություննեը, դրանց կազմելու կանոնները,  գործատուին ճիշտ ներկայանալու մոտեցումներն ու գաղտնիքները և ինչպես դառնալ ԲՐԵՆԴ աշխատաշուկայում: Երկրորդ հատվածն ամբողջապես անհատական մարքեթինգի մասին էր: Ներկայացվեց այն բոլոր քայլերն ու կանոնները, որոնք կօգնեն անձին դառնալ հայտնի իր ոլորտում, այսինքն դառնալ ԲՐԵՆԴ: Քննարկվեց մարդ-բրենդի կարևորությունը, ձևավորումը, ինչպես նաև հայ և արտասահմանյան մարդ-բրենդների օրինակները:

Global Media Lab ընկերությունը հատուկ թրեյնինգի մասնակիցների համար պատրաստել էր անակնկալներ: Նրանք Marketers Community School-ի Digital Marketing դասընթացներին մասնակցելու համար ստացան 50%, իսկ անհատական դիզայնով  CV կազմելու համար 75% զեղչ:

Թրեյնինգը անցավ ակտիվ և  ինտերակտիվ: Ավարտից հետո բոլոր մասնակիցները բացի պրակտիկ գիտելիքներից ստացան նաև հավաստագրեր: