Ֆորումի նպատակն էր համախմբել երիտասարդ գործարարներին, նպաստել նրանց միջև նոր և արդյունավետ համագործակցությունների կայացմանը, համաձայնագրերի կնքմանը և, իհարկե, նոր գործարար կապերով 2015 թվականի մեկնարկին:

«Armenian Business Meeting» նախագծի ղեկավարը Սեդա Վարդանյանն է՝ «Global Media Lab» մարքեթինգային ընկերության տնօրենը: Միջոցառման գլխավոր հովանավորը հայաստանյան մեդիա դաշտում արդեն տևական գործունեություն ծավալող International Media Holding-ն է, ի դեմ Արման Վարդանյանի, ով կարևորում է «Armenian Business Meeting»-ի գաղափարը՝ հայաստանյան գործարար միջավայրի զարգացման և արդիականացման համատեքստում:

«Armenian Business meeting»-ը լուսաբանվեց հայաստանյան առաջատար՝ «Արմենիա», «Շանթ» և «Հ2» հեռուստաընկերությունների պրոֆեսիոնալ մասնագետների կողմից:

Բիզնեսի կառավարման հմտությունների մասին գործնական թրեյնինգ ներկաների համար անցկացրեց «Ayvazyan & Partners» կազմակերպության գործընկեր Վահե Այվազյան, ով lurer.com-ին տված հարցազրույցում մանրամասն կիսվես իր տպավորություններով: '' Կար ձեռագիր, գրագետ և պատասխանատու մոտեցում''. Վահե Այվազյանը՝ ABM-ի մասին

Հանդիպման ընթացքում ընկերությունները ներկայացրին իրենց գործունեությունը նկարագրող պրեզենտացիաներ, որի ընթացքում կատարվեց նաև վիճակահանություն՝ յուրաքանչյուր ընկերության կողմից մեկ անվճար ծառայության տրամադրում վիճակահանության արդյունքում ընտրված ընկերությանը:

Մասնակից կազմակերպությունների դրական կարծիքները և արդյունավետ համագործակցությունների գրանցված բազմաթիվ փորձերը կազմակերպիչներին ստիպեցին խոստանալ նման ֆորմատի նախագծերը դարձնել շարունակական:

Մասնակից ընկերությունների արձագանքները համաժողովի մասին